Annadata Sukhibhava Implementation 2025: అన్నదాత సుఖీభవ పథకం అమలు ముహూర్తం

Annadata Sukhibhava Implementation 2025: అన్నదాత సుఖీభవ పథకం అమలు ముహూర్తం

ఆంధ్రప్రదేశ్ రాష్ట్రంలో సంక్షేమ పథకాలు, పెట్టుబడులు, సచివాలయాల మార్పులు వంటి కీలక అంశాలపై ఏపీ ప్రభుత్వం త్వరలో నిర్ణయాలు తీసుకోబోతోంది. ముఖ్యమంత్రి చంద్రబాబు నాయుడు దావోస్ పర్యటన నేపథ్యంలో ఈరోజు సచివాలయంలో జరగబోయే మంత్రివర్గ సమావేశం ఆసక్తికరంగా మారింది. ఈ సమావేశంలో ప్రధానంగా అన్నదాత సుఖీభవ పథకం, సచివాలయాల క్రమబద్దీకరణ, రైతు భరోసా, అన్న క్యాంటీన్లు వంటి అంశాలు చర్చకు రానున్నాయి.

సచివాలయాల క్రమబద్దీకరణ

రాష్ట్రవ్యాప్తంగా సుమారు 1.27 లక్షల ఉద్యోగులు సచివాలయాల్లో పని చేస్తున్నారు. వీరి క్రమబద్ధీకరణపై అధికారులు ఇప్పటికే ప్రతిపాదనలు సిద్ధం చేశారు. జనాభా ప్రాతిపదికన సచివాలయాల పునర్వ్యవస్థీకరణపై ఈరోజు నిర్ణయం తీసుకునే అవకాశం ఉంది.

సచివాలయాల నిర్వహణలో సిబ్బంది సర్దుబాటు, వాలంటీర్ల పాత్రపై కూడా చర్చ జరుగనుంది. పౌర సేవల మెరుగుదలకు ఈ క్రమబద్ధీకరణ అనివార్యమని ప్రభుత్వం భావిస్తోంది.

అన్నదాత సుఖీభవ పథకం

రైతుల కోసం ప్రత్యేకంగా తీసుకురాబడిన అన్నదాత సుఖీభవ పథకం అమలుకు ప్రభుత్వం పూర్తి స్థాయి సన్నాహాలు చేసింది. ఫిబ్రవరిలో కేంద్రం పీఎం కిసాన్ నిధుల విడుదల సమయానికి ఈ పథకం నిధులను రైతుల బ్యాంక్ ఖాతాల్లో జమ చేయాలని ప్రభుత్వం ప్రణాళిక సిద్ధం చేసింది.

ఈ పథకం అమలు ద్వారా రైతుల ఆర్థిక భద్రతకు మరింత మద్దతు లభిస్తుందని ఆశిస్తున్నారు.

అన్న క్యాంటీన్లు గ్రామీణ ప్రాంతాల్లోకి

ఇప్పటివరకు పట్టణాల్లో మాత్రమే అందుబాటులో ఉన్న అన్న క్యాంటీన్లను ఇకపై గ్రామీణ ప్రాంతాల్లోనూ ప్రారంభించేందుకు కేబినెట్ ఆమోదముద్ర వేయనుంది. అన్న క్యాంటీన్ పథకం ద్వారా పేద ప్రజలకు అందుబాటు ధరలో ఆహారం అందించడమే లక్ష్యం.

మహిళలకు ఉచిత ఆర్టీసీ ప్రయాణం

ఆసన్న ఉగాది పండుగ సందర్భంగా మహిళలకు ఆర్టీసీ బస్సుల్లో ఉచిత ప్రయాణం అందుబాటులోకి తెచ్చే అంశంపై కూడా ఈరోజు నిర్ణయం తీసుకోనున్నారు.

తిరుపతి తొక్కిసలాట సమీక్ష

తిరుపతిలో ఇటీవల జరిగిన తొక్కిసలాట ఘటనపై మంత్రివర్గ సమావేశంలో సమీక్ష ఉంటుంది. భద్రతా లోపాలు, భవిష్యత్తులో ఇటువంటి ఘటనలు జరగకుండా తీసుకోవాల్సిన చర్యలపై చర్చించనున్నారు.

రాజకీయ సమన్వయం

మూడు పార్టీల మధ్య సమన్వయాన్ని పటిష్ఠం చేసి, ప్రభుత్వ విధానాలను ప్రజల్లోకి మరింత సమర్థవంతంగా తీసుకెళ్లేందుకు ముఖ్యమంత్రి ప్రత్యేక దిశానిర్దేశం చేయనున్నారు.

Ap Post Office Women Schemes 2025: ఏపీలో పోస్టాఫీసులకు మహిళల పరుగులు.. ఎందుకో తెలుసా?

Ap Pension Survey 2025: ఏపీలో మరో పెన్షన్ సర్వే-ఈసారి టార్గెట్ ఎవరు ?

WhatsApp Citizen Services: ఇక నుంచి ఆ 150 రకాల పత్రాలు మీ వాట్సాప్ లోనే